Viðhald 2010

Garðlist ehf. tekur þátt í sýningunni Viðhald 2010 sem haldin verður í Vetragarðinum í Smáralind dagana 5. - 6. mars. Á sýningunni Viðhald 2010 mun fjöldi fyrirtækja og opinberra aðila gefa upplýsingar um allt sem lýrur að viðhaldsmálum.

Sýningin VIÐHALD 2010 verður haldin dagana 5. - 6. mars næstkomandi í Vetrargarðinum í Smáralind. Sýningin verður stórglæsilegt upplýsingatorg þar sem einstaklingar, húsfélög og húseigendur fá svör við spurningum um allt það sem lýtur að viðhaldsmálum. Fjöldi fyrirtækja og opinberra aðila munu gefa upplýsingar sem reynast heldur betur gagnlegar fyrir húseigendur sem stefna að endurbótum og/eða viðhaldi á næstu mánuðum. Sérfræðingar á öllum sviðum sjá til þess að þú getir fengið svör við spurningum sem varða greiningu vanda, réttindi og skyldur, fjármögnun, skipulag, framkvæmd, ábyrgð og eftirlit.

Nú er því heldur betur rétti tíminn til þess að láta hendur standa fram úr ermum.